Сёньня прадстаўнікі Міністэрства спорту і турызму пракамэнтавалі спрэчнае, з гледзішча многіх спэцыялістаў, прызначэньне галоўным трэнэрам хакейнай зборнай Беларусі Міхаіла Захарава.
Паказальна, што кіраўніцтва Беларускай фэдэрацыі хакею праігнаравала мерапрыемства – не сакрэт, што старшыня фэдэрацыі Ўладзімер Навумаў скрайне нэгатыўна ставіцца да Захарава, які даўно крытыкуе мэтады працы спартовага функцыянэра. Аднак, лічаць аналітыкі, Навумаў сам прыклаў руку да рэанімацыі апанэнта, звольніўшы з пасады кіраўніка менскага “Дынама” Глена Хэнлана. Празь некаторы час канадзкі спэцыяліст заявіў, што спыняе супрацоўніцтва і з нацыянальнай зборнай.
Сам Міхаіл Захараў сёньня сказаў, што пасьля прызначэньня на трэнэрскую пасаду яго павіншавалі ўсе, апроч хакейнай фэдэрацыі. Між тым, як заявіў новаабраны настаўнік каманды, ён гатовы да супрацоўніцтва з усімі зацікаўленымі асобамі, уключна з генэралам Навумавым:
“Я зь любым чалавекам, і з тым жа Навумавым, гатовы хоць сёньня сядаць і працаваць. Трэба зразумець так, што алімпійская зборная ў хакеі – гэта не мая прыхамаць, гэта грамадзкі набытак. Таму маё меркаваньне мала каго цікавіць, я мушу кантактаваць зь любым чалавекам, размаўляць. Каб гэта ішло толькі на карысьць хакею. Калі Ўладзімер Ўладзімеравіч гатовы са мной сустрэцца, я таксама гатовы зь ім абмяркоўваць ўсе пытаньні. Але такіх спробаў пакуль не было.
Так, у нас было вельмі шмат спрэчак адносна хакею. Усе гэта цудоўна ведаюць. Я, што лічу правільным, сваё меркаваньне агучваю па хакейных справах, у яго свая пазыцыя. І я лічу, што гэта нармальная зьява. Прыкладам, я хачу, каб 2-3 беларускія каманды гулялі ў КХЛ, ён намагаецца, каб там не было ніводнай. Але каб у сёньняшняй сытуацыі былі нават дзьве каманды ў КХЛ, то зусім іншае становішча было б у зборнай – гульцы атрымалі б больш гульнёвай практыкі. Таму я гатовы супрацоўнічаць зь любым – і з Андрыеўскім, і з Гусавым, і з Навумавым. З усімі людзьмі, якія працуюць на хакей і будуць дапамагаць. Бо галоўнае – дапамагаць, а не высьвятляць, хто горшы, хто лепшы”.
У сваю чаргу ў Беларускай фэдэрацыі хакею лічаць нямэтазгодным камэнтаваць прызначэньне Міхаіла Захарава да моманту вырашэньня ўсіх працэдурных пытаньняў. У фэдэрацыі паведамілі, што 25 лістапада адбудзецца паседжаньне выканкаму арганізацыі, на якім будзе канчаткова зацьверджаная кандыдатура галоўнага трэнэра зборнай Беларусі. Паводле спартовых крыніцаў, кіраўніцтва фэдэрацыя мае намер “блякаваць” Захарава.
Сам Міхаіл Захараў сёньня сказаў, што пасьля прызначэньня на трэнэрскую пасаду яго павіншавалі ўсе, апроч хакейнай фэдэрацыі. Між тым, як заявіў новаабраны настаўнік каманды, ён гатовы да супрацоўніцтва з усімі зацікаўленымі асобамі, уключна з генэралам Навумавым:
“Я зь любым чалавекам, і з тым жа Навумавым, гатовы хоць сёньня сядаць і працаваць. Трэба зразумець так, што алімпійская зборная ў хакеі – гэта не мая прыхамаць, гэта грамадзкі набытак. Таму маё меркаваньне мала каго цікавіць, я мушу кантактаваць зь любым чалавекам, размаўляць. Каб гэта ішло толькі на карысьць хакею. Калі Ўладзімер Ўладзімеравіч гатовы са мной сустрэцца, я таксама гатовы зь ім абмяркоўваць ўсе пытаньні. Але такіх спробаў пакуль не было.
Так, у нас было вельмі шмат спрэчак адносна хакею. Усе гэта цудоўна ведаюць. Я, што лічу правільным, сваё меркаваньне агучваю па хакейных справах, у яго свая пазыцыя. І я лічу, што гэта нармальная зьява. Прыкладам, я хачу, каб 2-3 беларускія каманды гулялі ў КХЛ, ён намагаецца, каб там не было ніводнай. Але каб у сёньняшняй сытуацыі былі нават дзьве каманды ў КХЛ, то зусім іншае становішча было б у зборнай – гульцы атрымалі б больш гульнёвай практыкі. Таму я гатовы супрацоўнічаць зь любым – і з Андрыеўскім, і з Гусавым, і з Навумавым. З усімі людзьмі, якія працуюць на хакей і будуць дапамагаць. Бо галоўнае – дапамагаць, а не высьвятляць, хто горшы, хто лепшы”.
У сваю чаргу ў Беларускай фэдэрацыі хакею лічаць нямэтазгодным камэнтаваць прызначэньне Міхаіла Захарава да моманту вырашэньня ўсіх працэдурных пытаньняў. У фэдэрацыі паведамілі, што 25 лістапада адбудзецца паседжаньне выканкаму арганізацыі, на якім будзе канчаткова зацьверджаная кандыдатура галоўнага трэнэра зборнай Беларусі. Паводле спартовых крыніцаў, кіраўніцтва фэдэрацыя мае намер “блякаваць” Захарава.