У Кітаі адбываюцца сутыкненьні на пратэстах пасьля сьмерці студэнта

Паліцэйскія машыны ў Кітаі, ілюстрацыйнае фота

У паўночна-заходняй кітайскай правінцыі Шэньсі адбыліся сутыкненьні пратэстоўцаў з паліцыяй.

На відэа, якія вэрыфікаваў амэрыканскі тэлеканал CNN, дзясяткі пратэстоўцаў кідаюць розныя прадметы ў паліцыю каля прафэсійна тэхнічнай вучэльні ў Пучэне. Паліцыя б’е дэманстрантаў і кідае некаторых зь іх на зямлю.

Пратэсты пачаліся пасьля сьмерці студэнта 2 студзеня. Мясцовыя ўлады заявілі, што ён загінуў ад няшчаснага выпадку, але ў сацыяльных сетках зьявіліся абвінавачаньні, што ўлады пакрываюць забойства.

Кітайскія ўлады асабліва апасаюцца грамадзкіх пратэстаў пасьля дэманстрацый 2022 году супраць жорсткай палітыкі Пэкіну падчас эпідэміі Covid-19.

ГЛЯДЗІЦЕ ТАКСАМА: Гандлёвая вайна паміж ЗША і Кітаем можа ўдарыць па абараназдольнасьці Ўкраіны