Як адзначаецца на сайце Міністэрства транспарту і сувязі Літвы, аб гэтым рашэньні дамовіліся кіраўнікі двух галіновых ведамстваў Польшчы і Літвы Дарыуш Клімчак і Эўгеніюс Сабуціс.
Паводле літоўскага міністра Эўгеніюса Сабуціса, сучасная геапалітычная сытуацыя дыктуе неабходнасьць разьвіцьця дадатковых транспартных калідораў і інфраструктурных злучэньняў паміж Літвой і Польшчай. Адным з такіх варыянтаў зьяўляецца будаўніцтва дарогі Аўгустаў – Лазьдзеі – Аліта – Вільня.
ГЛЯДЗІЦЕ ТАКСАМА: Лукашэнка ў Горадні: «Мы рыхтуемся да вайны. Я пра гэта кажу шчыра»Пасьля падтрыманага кіраўніцтвам Беларусі расейскага ваеннага ўварваньня ва Ўкраіну Літва і Польшча актывізавалі супрацу ў сфэры абароны і бясьпекі.
Летась вайскоўцы Літвы і Польшчы зацьвердзілі плян абароны Сувальскага калідору – гэта зона паміж Беларусьсю і Калінінградзкай вобласьцю Расеі, празь якую краіны Балтыі зьвязаныя з астатнімі краінамі Эўразьвязу. Гэты дакумэнт назвалі «Аршанскі плян».