«Учора праціўнік нанёс адзін ракетны ўдар двума ракетамі па пазыцыях украінскіх падразьдзяленьняў і населеных пунктаў, задзейнічаўшы для зьнішчэньня 2147 дронаў-камікадзэ. Праціўнік таксама выпусьціў каля чатырох тысяч артылерыйскіх снарадаў, зь іх 154 — з рэактыўных сыстэм залпавага агню. За мінулыя суткі ракетнымі войскамі і артылерыяй былі нанесеныя ўдары па двух раёнах канцэнтрацыі асабовага складу, узбраеньня, ваеннай тэхнікі і дзьвюх сыстэм СПА расейскіх захопнікаў», — гаворыцца ў паведамленьні.
Расейскія войскі спрабуюць прасунуцца да Пакроўска і Мірнаграда.
«На Пакроўскім напрамку за мінулыя суткі нашы абаронцы спынілі 79 штурмавых дзеяньняў агрэсара ў раёнах населеных пунктаў Зялёнае Поле, Вадзяны Другі, Елізаветаўка, Луч, Лісаўка, Шаўчэнка, Зверава, Удачны, Усьпенаўка, Сярэбраны, Дачны, г. п. Улакоў і Янтар». — паведамляюць украінскія вайскоўцы.
17 студзеня пад Пакроўскам ва Украіне загінула 24-гадовая беларуская добраахвотніца Марыя Зайцава.
Марыя удзельнічала ў пратэстах 2020 году і 9 жніўня была параненая шумавой гранатай у Менску каля стэлы.
ГЛЯДЗІЦЕ ТАКСАМА: «Яна сядзела проста на асфальце, уся ў крыві». Гісторыя таго самага фота з Марыяй ЗайцавайТады ёй зрабілі некалькі апэрацый у Беларусі, а пасьля вывезьлі на лячэньне ў Чэхію. Пасьля пачатку поўнамаштабнай вайны яна далучылася да абаронцаў Украіны.
16 студзеня, напярэдадні гібелі, Марыі споўнілася 24 гады.