Ізраільскія вайскоўцы заявілі, што Чырвоны Крыж пацьвердзіў перадачу трох закладніц у нядзелю.
Тры жанчыны сталі першымі, хто быў вызвалены ў рамках пагадненьня аб спыненьні агню з ХАМАС.
«Чырвоны Крыж паведаміў, што трое ізраільскіх закладніц былі перададзены ім і накіроўваюцца да сілаў ЦАХАЛу (вайскоўцы) і ISA (агенцтва бясьпекі) у сэктары Газа», — гаворыцца ў заяве вайскоўцаў.
Крыху раней афіцыйны прадстаўнік ХАМАС паведаміў агенцтву AFP, што закладніцы перададзеныя Чырвонаму Крыжу на плошчы Аль-Сарая ў Газе.
Імёны вызваленых — Эмілі Дамары, Рамі Ганэн і Дарона Штайнбрэхер. Усе жанчыны былі схопленыя тэрарыстамі падчас атакі ХАМАС 7 кастрычніка 2023 году, якая стала прычынай ваенных дзеяньняў у сэктары Газа.
ГЛЯДЗІЦЕ ТАКСАМА: Ізраіль заявіў пра спыненьне агню ў сэктары Газа, атрымаўшы імёны закладнікаў, якіх вызваліць ХАМАС