73-гадовага праваабаронцу з Мазыра Ўладзімера Целяпуна арыштавалі на 15 сутак за распаўсюд «экстрэмісцкіх» матэрыялаў (артыкул 19.11 КаАП), піша «Флагшток».
Суд над праваабаронцам прайшоў 15 студзеня. У ізалятары ён сустрэў свой дзень народзінаў.
У 2022 годзе Ўладзімер Целяпун адбываў 10 сутак адміністрацыйнага арышту па артыкуле аб распаўсюджваньні «экстрэмісцкіх» матэрыялаў. У 2021 годзе дома і на лецішчы ў яго прайшоў ператрус.
ГЛЯДЗІЦЕ ТАКСАМА: Хроніка перасьледу: трэці раз судзяць шматдзетную маці Юлію Лаптановіч; за пратэсты судзяць экс-хакеіста моладзевай зборнайЖыхара Менску разам з дачкой асудзілі за ўдзел у акцыі пратэсту
У судзе Кастрычніцкага раёну Менску 16 студзеня асудзілі Дзьмітрыя Жарнасека і Лізавету Жарнасек паводле ч. 1 арт. 342 (актыўны ўдзел у дзеяньнях, што груба парушаюць грамадзкі парадак).
Судзьдзя Іна Сівец прызначыла Дзьмітрыю і Лізавеце па два гады і шэсьць месяцаў абмежаваньня волі без накіраваньня ў папраўчую ўстанову адкрытага тыпу («хатняй хіміі»).
Апошнім часам Дзьмітры працаваў кіроўцам у прыватнай фірме. Вядома, што ў лістападзе 2020 году яго асудзілі на 15 сутак арышту за ўдзел у акцыі пратэсту.
ГЛЯДЗІЦЕ ТАКСАМА: Хроніка перасьледу 22 студзеня: у Чашніках за «распаўсюд экстрэмізму» пяты раз судзілі спартоўца-аматара