Пад Лос-Анджэлесам пачаўся новы пажар, 30 тысяч людзей эвакуююць

Аб гэтым 23 студзеня паведаміла агенцтва Reuters. Больш за 30 тысяч чалавек атрымалі распараджэньне аб абавязковай эвакуацыі.

Шэрыф акругі Лос-Анджэлес расказаў, што яшчэ 23 тысячы чалавек атрымалі папярэджаньне аб магчымай эвакуацыі.

Новы пажар атрымаў назву «Х’юз». Усяго за некалькі гадзін ён ахапіў тэрыторыю, параўнальную з 66% плошчы іншага разбуральнага пажару «Ітан» у навакольлях Лос-Анджэлеса.

На тэрыторыі вакол возера Кастаік, дзе адбыўся новы пажар, у асноўным растьце кустоўе і знаходзіцца паша, частку яе займаюць лясы.

Для тушэньня агню прыцягнулі больш за чатыры тысячы пажарных. Агонь спрабуюць тушыць з паветра, зачэрпваючы верталётамі ваду з возера. Лякалізаваць пажар «Хʼюз» пакуль не ўдалося, паведаміў начальнік пажарнай службы акругі Лос-Анджэлес Энтані Мароне. У рэгіёне па-ранейшаму захоўваецца сухое ветранае надворʼе, якое абцяжарвае барацьбу з агнём. Аднак на выходныя прагназуюцца невялікія дажджы, якія могуць дапамагчы ў змаганьні.

Лясныя пажары пачаліся ў Каліфорніі 7 студзеня.

Мацней за ўсё пацярпеў прэстыжны раён Лос-Анджэлеса Пасіфік-Палісэйдс, там выгаралі цэлыя жылыя кварталы.

У выніку лясных пажараў «Ітан» і «Палісэйдс» загінулі 28 чалавек, 180 тысяч былі эвакуаваныя, каля 16 тысяч будынкаў зьнішчаны або атрымалі пашкоджаньні.

Цяпер яшчэ працягваюцца два буйныя пажары ў раёне Лос-Анджэлеса — «Ітан» і «Палісэйдс». Удалося часткова ўзяць іх пад кантроль, але гарэньне працягваецца.

Шкоду ад пажараў ацэньваюць у 250 мільярдаў даляраў.

Маштабныя лясныя пажары, якія ахапілі Лос-Анджэлес у ЗША, паводле афіцыйных зьвестак, забралі жыцьці сама меней 10 чалавек. Найбуйнейшы ачаг узгарання ў раёне Пасіфік Палісэйдс, адзін з самых дарагіх і прэстыжных у штаце і краіне, дзе жывуць сусьветныя знакамітасьці

ГЛЯДЗІЦЕ ТАКСАМА:

Каля Лос-Анджэлесу – маштабныя лясныя пажары. Эвакуавалі больш за 32 тысячы чалавек, ёсьць загінулыя