Андрэй Васора паходзіў зь Ліды, але ў 2021 годзе мусіў пакінуць Беларусь. Ён выехаў у Польшчу пасьля таго, як у ягоны дом уварваўся АМАП.
У Беластоку Андрэй Васора адкрыў гостэл «Сава», дзе дапамагаў многім людзям у цяжкіх сытуацыях. Андрэй падтрымліваў вэтэранаў, якія вярталіся з вайны ва Ўкраіне, і дапамагаў эмігрантам, сярод якіх быў журналіст Вадзім Доўнар.
У сьнежні 2024 году з Васорам адбыўся няшчасны выпадак, у выніку якога ён атрымаў сур’ёзную траўму і ўпаў у кому. На працягу 25 дзён лекары змагаліся за ягонае жыцьцё, але 20 студзеня Андрэй памёр.
Цяпер неабходная дапамога ягонай сям’і. Сродкі зьбіраюцца на аплату лячэньня ў шпіталі і арганізацыю пахаваньня Васоры. Зборам займаецца фонд BySol.
Форум